சீருடையில் காவலர் அத்துமீறல்! பெண் வீட்டிற்குள் புகுந்து பாலியல் சீண்டல் - சென்னையில் அதிரடி பணிநீக்கம்.

சென்னையில் குடிபோதையில் சீருடையுடன் பெண் ஒருவரின் வீட்டிற்குள் அத்துமீறி நுழைந்து பாலியல் சீண்டலில் ஈடுபட்ட காவலர் ஒருவர் அதிரடியாகப் பணிநீக்கம் செய்யப்பட்டுள்ளார். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.

சென்னை ராயப்பேட்டையில் மார்ச் 6, 2026 அன்று இந்த அதிர்ச்சிகரமான சம்பவம் இடம்பெற்றுள்ளது.

​அத்துமீறல்: சூர்யா என்ற காவலர், மதுபோதையில் சீருடையுடன் பெண் ஒருவரின் வீட்டிற்குள் அத்துமீறி நுழைந்துள்ளார்.

​பெண்ணின் துணிச்சல்: வீட்டிற்குள் புகுந்த காவலர் பாலியல் அத்துமீறலில் ஈடுபட முயன்றபோது, அவர் தனது சட்டையைக் கழற்றுவதைப் பாதிக்கப்பட்ட பெண் தனது செல்போனில் வீடியோ எடுத்துள்ளார்.

உடனடியாகச் செயல்பட்ட அந்தப் பெண், அறையை விட்டு வெளியே வந்து கதவைப் பூட்டிவிட்டு, அக்கம் பக்கத்தினரை உதவிக்கு அழைத்துள்ளார்.

​தகவலறிந்து சம்பவ இடத்திற்கு விரைந்த பொலிஸார், காவலர் சூர்யாவைக் காவல் நிலையத்திற்கு அழைத்துச் சென்றனர்.

விசாரணையின் போது, சட்டவிரோத செயலில் ஈடுபடுவது குறித்து விசாரிக்கவே பெண்ணின் வீட்டிற்குச் சென்றதாகக் காவலர் சூர்யா வாக்குமூலம் அளித்துள்ளார். இருப்பினும், அவரது அத்துமீறல் வீடியோ ஆதாரங்களுடன் உறுதியானதைத் தொடர்ந்து, அவர் உடனடியாகப் பணியிடை நீக்கம் (Suspension) செய்யப்பட்டுள்ளார்.

​சட்டம் ஒழுங்கைப் பாதுகாக்க வேண்டிய காவலரே இத்தகைய கீழ்த்தரமான செயலில் ஈடுபட்டது சமூக வலைதளங்களில் கடும் விமர்சனத்திற்கு உள்ளாகி வருகிறது.

Disclimer Click